Hvað er lípódema?
Lípódema er ekki afleiðing ofþyngdar og lætur illa undan megrun og hreyfingu. Sjúkdómurinn kemur oft fram eða versnar við hormónabreytingar – kynþroska, meðgöngu og tíðahvörf. Algeng einkenni eru samhverf fitusöfnun á fótleggjum (og/eða handleggjum) sem hlífir fótum og höndum, eymsli og verkir við snertingu og þrýsting, tilhneiging til að fá mar auðveldlega, þyngsli og þreyta í útlimum – einkum í lok dags – og ósamræmi milli efri og neðri hluta líkamans.
Lípódema er oft ranglega greint sem offita eða vessabjúgur (lymphedema). Rétt greining skiptir máli því meðferðin er önnur.
Lípódema er greint með sögu og klínískri skoðun læknis; myndrannsóknir eru einkum notaðar til að útiloka aðra sjúkdóma. Í fyrsta viðtali eru einkenni, stig sjúkdóms (1–3) og útbreiðsla metin ásamt fylgikvillum eins og bjúg, liðverkjum og hreyfiskerðingu.
Svona er þjónustan
Læknir metur einkenni, stig sjúkdóms og útbreiðslu með sögu og klínískri skoðun. Myndrannsóknir eru notaðar eftir þörfum til að útiloka aðra sjúkdóma, t.d. vessabjúg.
Grunnmeðferð: þjöppunarfatnaður, hreyfing sem fer vel með liði (sund, hjól, göngur), bólgueyðandi mataræði, þyngdarstjórnun þegar það á við, sjúkraþjálfun og sogæðanudd. Við vinnum með Endurhæfingar- og Efnaskiptaklíníkinni þegar það hentar.
Þegar grunnmeðferð dugar ekki getur fitusog sem hlífir sogæðakerfinu (lymph-sparing liposuction, WAL- eða tumescent-tækni) dregið verulega úr verkjum, mari og þyngslum og bætt hreyfigetu. Oft þarf fleiri en eina aðgerð, eitt svæði í einu. Aðgerðirnar eru gerðar í svæfingu eða slævingu með deyfingu á Klíníkinni og eftirfylgd er hjá lýtalækni og hjúkrunarmóttöku.
Leiðandi sérfræðingar á sínu sviði
Teymið
Sérfræðingar í fremstu röð og framúrskarandi þjónusta.
Greiðsluþátttaka og verð
Sjúkratryggingar Íslands taka ekki þátt í kostnaði við fitusog vegna lípódema á Íslandi. Verð fer eftir umfangi og fjölda svæða; sjá verðskrá og nánari upplýsingar eftir viðtal.
Upplýsingar um greiðsludreifingu eru á síðunni Greiðslumöguleikar.
Viðtal og greining hjá okkar sérfræðingum – bókað í síma 519 7000 eða á Mínum síðum.
Meðferðaráætlun – grunnmeðferð og mat á því hvort skurðaðgerð eigi við.
Undirbúningur aðgerðar – mat svæfingalæknis, mæling fyrir þrýstingsfatnað og fræðsla.
Aðgerð og legudeild/heimferð – flestar aðgerðir eru dagaðgerðir eða ein nótt á legudeild ef um stærri aðgerð er að ræða.
Eftirfylgd – þrýstifatnaður 4–6 vikur, sogæðanudd, eftirlit í hjúkrunarmóttöku og hjá skurðlækni.
Algengar spurningar
Er lípódema það sama og offita?
Læknar fitusog lípódema?
Hvað gerist ef lípódema er ekki meðhöndlað?
Hvar fæ ég meiri upplýsingar og stuðning?
