Starfsfólk
Svanheiður Lóa Rafnsdóttir
Sérfræðingur í brjóstaskurðlækningum
Svanheiður Lóa Rafnsdóttir er sérfræðingur í almennum skurðlækningum með sérhæfingu í brjóstaskurðlækningum. Hún hefur víðtæka reynslu af brjóstakrabbameinsaðgerðum, áhættuminnkandi brjóstaaðgerðum, brjóstauppbyggingum og fegrunaraðgerðum á brjóstum. Hún hefur jafnframt sérhæft sig í greiningu og skurðmeðferð fitubjúgs (lipedema) og sinnir konum með fitubjúg frá mati og undirbúningi fyrir aðgerð til eftirfylgdar og langtímameðferðar.
Hún sinnir einnig aðgerðum á holhönd og meðferðum við óhóflegri svitamyndun. Heildræn og einstaklingsmiðuð nálgun á kvenheilsu er henni sérstaklega hugleikin.
Svanheiður lauk læknanámi við Háskólann í Hamborg í Þýskalandi og sérnámi í skurðlækningum við Sahlgrenska háskólasjúkrahúsið í Gautaborg. Að loknu sérnámi starfaði hún þar sem sérfræðingur í brjóstaskurðlækningum og almennum skurðlækningum.
Árið 2018 flutti hún aftur til Íslands og hóf störf á Landspítala. Þar tók hún virkan þátt í uppbyggingu brjóstaskurðlækninga og Brjóstamiðstöðvar Landspítala og gegndi síðar starfi yfirlæknis Brjóstamiðstöðvar og brjóstaskurðlækninga.
Í dag starfar Svanheiður á Klíníkinni Ármúla, þar sem megináherslur hennar eru brjóstaskurðlækningar, fegrunaraðgerðir á brjóstum og skurðmeðferð fitubjúgs.
