Þjónustan okkar
Klíníkin veitir fjölbreytta heilbrigðisþjónustu.
Veldu þjónustuflokk hér að neðan til að fá nánari upplýsingar um mismunandi greiningar og meðferðir.
Almennar skurðlækningar
Almennir skurðlæknar Klíníkurinnar framkvæma kviðslitsaðgerðir, aðgerðir við gyllinæð og öðrum endaþarmskvillum, brottnám gallblöðru með kviðsjá og bakflæðisaðgerðir – flestar sem dagaðgerð.
Axlarskurðlæknar og sjúkraþjálfarar greina og meðhöndla vandamál í öxlum og olnbogum – liðspeglanir, sinaviðgerðir og gerviliðir í öxl. Fræðsla um algengustu axlarmeinin.
Greiningar, meðferðir og eftirlit. Fjölmargar brjóstaaðgerðir eru framkvæmdar á Klíníkinni í forvarnar-, greiningar- eða meðferðarskyni. Þar má nefna fyrirbyggjandi brjóstnámsaðgerðir og uppbygging brjósta vegna BRCA stökkbreytinga, aðgerðir til að fjarlægja góðkynja mein, brjóstaminnkanir, brjóstastækkanir með púða og/eða eigin fitu og brottnám brjóstapúða.
Yfirlit yfir bæklunarþjónustu Klíníkurinnar: liðskipti, axlir, fætur og hendur – ásamt sjúkraþjálfun sem fylgir þér frá fyrsta degi. Veldu sérgrein hér að neðan til að fara beint á rétta síðu.
Efnaskiptaklíníkin
Erfiðleikar með þyngdarstjórnun og offita er vaxandi áskorun í þjóðfélaginu. Boðið er upp á vandað greiningarferli og viðeigandi meðferð. Í henni getur m.a. falist samtalsmeðferð, ráðgjöf, fræðsla, lyfjagjöf, mismunandi aðgerðir og eftirfylgd.
Endurhæfingarklíníkin – sjúkraþjálfun
Sjúkraþjálfarar Klíníkurinnar sinna endurhæfingu eftir aðgerðir og meðferð stoðkerfisvandamála í nýrri aðstöðu með HUR-tækjum. Endurhæfing byrjar strax eftir aðgerð og fylgir þér alla leið – einnig án aðgerðar með tilvísun eða beint.
Fótarskurðlæknar greina og meðhöndla mein í fæti og ökkla – skakkar tær (hallux valgus), hamartær, sinavandamál og slitgigt – flest sem dagaðgerðir með markvissri endurhæfingu.
Handarskurðlæknir Klíníkurinnar greinir og meðhöndlar úlnliðsgöng, gikkfingur, Dupuytren, slitgigt í þumalrót og áverka á hönd – flest í staðdeyfingu sem dagaðgerð.
Hjúkrunarfræðingar Klíníkurinnar taka á móti sjúklingum í hjúkrunarmóttöku – m.a. eftirlit og sáraskipti eftir aðgerðir, saumatöku, ráðgjöf og símaráðgjöf. Greitt er fyrir heimsóknir og símtöl samkvæmt verðskrá.
Hryggjarklíníkin
Við tökum á móti einstaklingum með bak- og/eða taugaverki út frá baki. Athugið að tilvísun er forsenda fyrir því að komast að hjá sérfræðingi. Öflugt teymi skurðlækna býður upp á fjölbreytt meðferðarúrræði. Fræðsla, deyfingar, eftirlit og skurðaðgerðir. Framkvæmdar eru bakaðgerðir vegna m.a. brjóskloss eða þrenginga á mænugangi.
Húðsjúkdómalæknar Klíníkurinnar greina og meðhöndla húðsjúkdóma hjá börnum og fullorðnum: exem, psóríasis, bólur, rósroða, feðjur og húðkrabbamein. Húðskoðun, sýnatökur og minni húðaðgerðir eru gerðar á stofu.
Kvenheilsuklíníkin
Reyndir kvensjúkdómalæknar starfa á Klíníkinn. Framkvæmdar eru sérhæfðar aðgerðir vegna endómetríosu og aðrar hefðbundnar kvensjúkdómaaðgerðir.
Á legudeild Klíníkurinnar dvelja sjúklingar eftir stærri aðgerðir, svo sem liðskipti og hryggjaraðgerðir, með hjúkrun allan sólarhringinn meðan á legu stendur og lækni á bakvakt. Eftir liðskipti hefst sjúkraþjálfun daginn eftir aðgerð.
Gerviliðir í mjöðm og hné, liðspeglanir á hnjám og APS-meðferð við slitgigt – með eða án greiðsluþátttöku SÍ. Sjáðu biðtíma í rauntíma og hvað þú þarft að vita fyrir aðgerð.
Lípódema (fitubjúgur) er langvinnur sjúkdómur í fituvef sem leggst einkum á fótleggi og handleggi. Í Fitubjúgsklíníkinni færð þú greiningu, ráðgjöf og meðferð hjá teymi lýtalækna og hjúkrunarfræðinga, þ.m.t. fitusog þegar það á við.
Hjá Klíníkinni starfa reynslumiklir lýtalæknar. Boðið er upp á flestar hefðbundnar lýtaaðgerðir ásamt stærri lýtaaðgerðum sem krefjast innlagnar í kjölfar aðgerðarinnar.
Meltingarklíníkin sinnir speglunum í meltingarvegi: magaspeglunum og ristilspeglunum í slævingu – til greiningar, ristilskimunar og eftirlits. Separ eru fjarlægðir á staðnum og niðurstaða kynnt strax eftir speglun.
Svæfingalæknar Klíníkurinnar sjá um svæfingar, deyfingar og verkjameðferð í tengslum við aðgerðir. Fyrir aðgerð er farið yfir heilsufar og undirbúning, m.a. föstu og lyfjatöku, og eftir aðgerð er fylgst með þér á vöknun þar til þú ert tilbúin/n til heimferðar eða á legudeild.
Hér erum við
Hafðu samband
Sendu okkur fyrirspurn eða bókaðu tíma:
app.medalia.is/klinikin/care
Sláðu á þráðinn:
Staðsetning:
Ármúla 7–9, 108 Reykjavík
Afgreiðslutími:
Mán-fös kl.07:30 - 16:00
Síminn lokar kl. 15:00 á föstudögum
Fréttir og fræðsluefni
Fylgstu með því nýjasta sem við erum að fást við á Klíníkinni.
