Langtímasamningar um lýðheilsuaðgerðir

Klíníkin Ármúla ehf. hefur undirritað þriggja ára samning við Sjúkratryggingar Íslands um framkvæmd á liðskipta-, bak-, kviðsjár- og brjóstaminnkunaraðgerðum. Samningurinn, sem er sá fyrsti sinnar tegundar, er afrakstur opins innkaupaferlis og markar tímamót í samstarfi ríkisins við einkarekna heilbrigðisþjónustu.

Helsta markmið samningsins er að bæta aðgengi sjúklinga að nauðsynlegri þjónustu, stytta biðlista og létta álagi af opinberum sjúkrahúsum. Með samningnum er tryggð framkvæmd á um 1.000 skurðaðgerðum á ársgrundvelli, þar sem Klíníkin mun gegna lykilhlutverki í framkvæmd liðskipta- og annarra tilgreindra aðgerða.

Fyrir sjúklinga þýðir þessi nýi samningur aukinn fyrirsjáanleika og greiðari aðgang að mikilvægum og lífsbætandi aðgerðum með greiðsluþátttöku sjúkratrygginga.

Heilbrigðisráðherra, Alma D. Möller, fagnar þessum samningum þar sem hagsmunir sjúklinga, gæði þjónustunnar og hagkvæmni eru höfð í fyrirrúmi.

Klíníkin er stolt af því trausti sem okkur er sýnt með þessum samningi og lítur björtum augum til framtíðar í þjónustu við sjúklinga á Íslandi. Við erum reiðubúin að takast á við þetta mikilvæga verkefni í samstarfi við Sjúkratryggingar Íslands til að tryggja landsmönnum bestu heilbrigðisþjónustu sem völ er á.

Sjá nánar um liðskiptaaðgerðir á Klíníkinni hér: https://www.klinikin.is/baeklun-lidskipti/lidskiptaadgerd

Sjá nánar um bak- og taugaaðgerðir á Klíníkinni hér: https://www.klinikin.is/bak