Svona er legudeildin
Klíníkin er eina einkarekna heilbrigðisstofnunin á Íslandi með leyfi til reksturs legudeildar. Það þýðir að stærri aðgerðir – liðskipti, hryggjaraðgerðir, efnaskiptaaðgerðir, kviðsjáraðgerðir í kvenheilsu og brjóstaaðgerðir – eru gerðar hér á staðnum með gistingu, í stað þess að þú þurfir að fara heim sama dag eða á sjúkrahús.
Hjúkrunarfræðingar eru á vakt allan sólarhringinn og læknir er alltaf á bakvakt. Sjúkraþjálfari kemur til þín á legudeildina strax fyrsta dag eftir liðskipti og þú færð einstaklingsmiðaða endurhæfingaráætlun með þér heim.
Flestir sem fara í liðskipti, hryggþrengslaaðgerð eða efnaskiptaaðgerð gista eina nótt. Ein legunótt er innifalin í verði aðgerða þar sem hún er hluti af meðferð; aukanótt kostar 94.000 kr.
Svona getum við hjálpað þér
Verðskrá
Ein legunótt er innifalin í verði þeirra aðgerða þar sem gisting er hluti af meðferðinni – til dæmis liðskipta, hryggþrengslaaðgerða og efnaskiptaaðgerða. Þurfi lengri legu er aukanótt greidd sérstaklega: 94.000 kr.
Þegar aðgerð er gerð samkvæmt samningi við Sjúkratryggingar Íslands fer greiðsluþátttaka sjúklings eftir gjaldskrá SÍ og legan er innifalin.
Nánar um greiðsluþátttöku sjúklinga er að finna á vef Sjúkratrygginga Íslands: sjukra.is
Innlögn. Þú mætir á umsömdum tíma á aðgerðardag, fastandi samkvæmt leiðbeiningum. Hjúkrunarfræðingur tekur á móti þér, fer yfir lyfin þín og undirbýr þig fyrir aðgerðina. Að aðgerð lokinni vaknar þú á vöknun og ferð síðan á legudeildina.
Legan. Á legudeildinni ertu undir eftirliti hjúkrunarfræðinga allan sólarhringinn og læknir er alltaf á bakvakt. Verkjameðferð er stillt af eftir þörfum og sjúkraþjálfari kemur til þín strax fyrsta dag eftir liðskipti til að koma þér af stað.
Útskrift. Fyrir útskrift ferð þú yfir leiðbeiningar með hjúkrunarfræðingi: sárameðferð, verkjalyf, hreyfingu og hvenær má fara í sturtu, keyra og fara í vinnu. Leiðbeiningarnar og eftirfylgnitímar birtast einnig á mínum síðum, og þú getur alltaf hringt í 519 7000 ef eitthvað kemur upp.
Algengar spurningar
Hversu lengi gisti ég eftir aðgerð?
Má aðstandandi vera hjá mér?
Hvað á ég að taka með mér á legudeildina?
Hvert hringi ég ef eitthvað kemur upp eftir útskrift?
