Einkenni frá baki
Bak- og taugaverkir geta verið mjög lamandi og haft mikil áhrif á daglegt líf. Við hjá Klíníkinni sérhæfum okkur í greiningu og meðferð á öllum tegundum af bakverkjum og taugakvillum.
Með aðstoð reyndra sérfræðinga og nýjustu tækni vinnum við að því að greina rót vandans og bjóða upp á einstaklingsmiðaðar lausnir sem stuðla að betri heilsu og bættri lífsgæðum.
Hvort sem þú glímir við langvarandi verkjavandamál eða nýlega uppkomna verki, þá erum við hér til að aðstoða þig.
Svona getum við hjálpað þér
Leiðandi sérfræðingar á sínu sviði
Teymið
Sérfræðingar í fremstu röð og framúrskarandi þjónusta.
Verðskrá
Samningur hefur náðst við Sjúkratryggingar Íslands um greiðsluþátttöku þeirra í helstu bakaðgerðum. Nánar um greiðsluþátttöku sjúklinga er að finna á vef Sjúkratrygginga Íslands: sjukra.is
Þar sem mikil eftirspurn er eftir bakaðgerðum og þörfin er mikil þá er óskað eftir tilvísun til Klíníkurinnar til þess að geta forgangsraðað þjónustunni sem best.
Klíníkin býður einnig upp á aðgerðir án greiðsluþátttöku Sjúkratrygginga og þá á verðskráin hér að neðan við.
Aðgerð
Verð frá
Brjósklos
1.240.000
Brjósklos, ef á samningi við SÍ
Full greiðsluþátttaka SÍ
Brottnám liðbogaþynnu
1.700.000
Brottnám liðbogaþynnu, ef á samningi við SÍ
Full greiðsluþátttaka SÍ
Legunótt
94.000
RFA meðferð 6. liðir
257.000
RFA meðferð 8. liðir
340.000
Smábogaliðsdeyfing, greiðsluþátttaka SÍ
fer eftir réttindum hvers og eins
Taugarótardeyfing, greiðsluþátttaka SÍ
fer eftir réttindum hvers og eins
Hvað þarf ég að bíða lengi?
Bið eftir hryggjaraðgerð fer eftir því hvar þú ert á biðlista og hvort aðgerðin er greidd af Sjúkratryggingum Íslands (SÍ) eða þér sjálfum. Embætti landlæknis heldur utan um biðlista allra stofnana og birtir tölur um bið eftir völdum skurðaðgerðum í mælaborðinu hér að neðan. Það sýnir fjölda þeirra sem bíða, fjölda framkvæmdra aðgerða og hve stórt hlutfall hefur beðið lengur en 90 daga – sem er viðmið embættisins um ásættanlega bið eftir aðgerð.
Heimild: Embætti landlæknis – mælaborð um bið eftir skurðaðgerðum. Tölurnar eru uppfærðar reglulega af embættinu og ná til allra stofnana á Íslandi. Opna mælaborðið í fullri stærð.
Aðgerð með greiðsluþátttöku SÍ
Klíníkin er með samning við Sjúkratryggingar Íslands um hryggjaraðgerðir. Sé skilyrðum SÍ fullnægt greiða Sjúkratryggingar aðgerðina og þú greiðir einungis komugjald samkvæmt reglugerð um greiðsluþátttöku sjúkratryggðra. Skilyrðin eru í stuttu máli þau að hryggjarskurðlæknir hafi metið að aðgerð sé rétta meðferðin og þú sért á biðlista eftir aðgerð, að þú sért sjúkratryggð/ur á Íslandi og að fjöldi aðgerða á samningi ársins sé ekki uppurinn – þeir sem hafa beðið lengst ganga fyrir.
Við förum yfir stöðu þína í fyrsta viðtali og segjum þér strax hvort og hvenær þú átt rétt á greiðsluþátttöku SÍ. Þú þarft ekki að reikna þetta út sjálf/ur.
Vilt þú ekki bíða?
Hafir þú ekki öðlast rétt til greiðsluþátttöku Sjúkratrygginga getur þú valið að greiða aðgerðina sjálf/ur og fá hana gerða fyrr. Sama teymi, sama skurðstofa og sama legudeild; eini munurinn er hver greiðir. Verðið er í verðskránni hér að ofan.
Athugaðu að samkvæmt samningi Klíníkurinnar við Sjúkratryggingar Íslands er okkur ekki heimilt að gera aðgerð gegn sjálfsgreiðslu á þeim sem þegar eiga rétt á greiðsluþátttöku SÍ. Við förum yfir rétt þinn með þér áður en ákvörðun er tekin.
Tilvísun og segulómun.
Til þess að komast til baksérfræðings hjá okkur þarftu fyrst að fá tilvísun frá heimilislækni.
Það er nauðsynlegt að með tilvísuninni fylgi niðurstaða segulómskoðunar sem hefur verið framkvæmd að hámarki 12 mánuðum áður en tilvísunin er send inn.Úrvinnsla tilvísana
Sérfræðingur okkar metur tilvísunina þína og forgangsraðar innköllun út frá nokkrum þáttum, meðal annars með tilliti til þess hversu líklegt er að okkar úrræði muni hjálpa þér.Vegna mikils fjölda tilvísana getur biðtími eftir innköllun verið langur fyrir suma og í öðrum tilfellum er mælt með annarri meðferð í stað viðtals og meðferðar hjá okkur.
Viðtal og mat á meðferð
Ef tilvísun gefur tilefni til innköllunar í viðtal, færðu símtal þar sem þér er úthlutaður viðtalstími hjá sérfræðingi. Hann mun meta ástand þitt og ákveða hvaða meðferð hentar þér best.Athugaðu að Klíníkin hefur leyfi fyrir ákveðnum fjölda/kvóta bakaðgerða á vegum SÍ innan hvers aðgerðartímabils. Aðgerð verður því að falla innan þess kvóta sem SÍ úthlutar. Því getur liðið einhver tími frá því að greiðsluheimild fæst og þar til hægt er að framkvæma aðgerð.
Algengar spurningar
Get ég fengið að vita hvort sérfræðingur sé búinn að meta tilvísunina mína?
Hvernig veit ég að ég hef fengið send skilaboð á Heilsuveru?
Eru allar bakaðgerðir hjá Klíníkinni niðurgreiddar af Sjúkratryggingum Íslands?
Get ég greitt fyrir aðgerðina sjálf/ur og síðan sótt endurgreiðslu til Sjúkratrygginga Íslands?
