Á Klíníkinni eru framkvæmdar þrjár tegundir efnaskipta-/offituaðgerða sem allar eru framkvæmdar um kviðsjá.

EFNASKIPTAAÐGERÐ - MAGAHJÁVEITA

Magahjáveituaðgerð hefur verið algengasta offituaðgerðin undanfarin ár. Yfir 20 ára reynsla er á þessari tegund offituaðgerða og nú er um helmingur allra slíkra aðgerða framkvæmdar á þennan hátt. 

 

Í aðgerðinni er maganum skipt í tvo hluta, lítinn magapoka sem rúmar ekki nema um 20 ml (á stærð við golfkúlu). Mjógirni er síðan tengt upp á þennan magapoka og þar með er veitt fram hjá stærri hluta magans, skeifugörn og efsta hluta mjógirnis.

Ári eftir aðgerðina getur þú gert ráð fyrir því að stærstur hluti yfirþyngdarinnar sé horfinn. Til lengri tíma litið mátt þú gera ráð fyrir að losna við 65-75% yfirþyngdar.

Til að tryggja varanlegan árangur er nauðsynlegt að breyta lífsstíl og mataræði. Eftir aðgerð er líklegt að þú þolir illa kolvetni og fituríkar máltíðir sem geta valdið losun (e. dumping). Þér líður betur á próteinríku fæði og grænmeti. Eftir þessa aðgerð eru áhrif áfengis meiri og misnotkun getur leitt til alkóhólisma. Fólki með alvarlega átröskun er almennt ekki ráðlagt að fara í offituaðgerð.

Samhliða þyngdartapi hefur magahjáveituaðgerð kraftmikil áhrif á heilsuna. Yfir helmingur sjúklinga með sykursýki gerð 2 læknast og getur hætt að nota sykursýkilyf. Aðgerðin hefur auk þess mjög jákvæð áhrif á hjarta- og æðasjúkdóma, minnkar hættu á myndun margra tegunda krabbameins og fækkar snemmbærum dauðsföllum. Um 80% sjúklinga læknast af kæfisvefni. Konur sem hafa ekki getað eignast börn verða oft frjóar eftir aðgerðina. Mundu eftir getnaðarvörn! Liðverkir minnka og almenn lífsgæði aukast.

GBP-Ethicon-663x1024.jpg
 

EFNASKIPTAAÐGERÐ - MINI HJÁVEITA

 

Mini-hjáveita er eitt nýjasta afbrigði offituaðgerða. Árangur hennar á yfirþyngd og efnaskiptasjúkdóma eins og sykursýki af gerð 2 er sambærilegur við hefðbundna hjáveituaðgerð (gastric bypass).

Aðgerðin er einfaldari en hefðbundin hjáveituaðgerð og sem dæmi er einungis gerð ein tenging í stað tveggja.

Minni hætta er á ákveðnum tegundum fylgikvilla eins og losun (dumping) og garnaflækju. 

Ári eftir aðgerðina getur þú gert ráð fyrir því að stærstur hluti yfirþyngdarinnar sé horfinn. Til lengri tíma litið mátt þú gera ráð fyrir að losna við 65-75% yfirþyngdar.

Til að tryggja varanlegan árangur er nauðsynlegt að breyta lífsstíl og mataræði. Eftir aðgerð er líklegt að þú þolir illa kolvetni og fituríkar máltíðir sem geta valdið losun (dumping). Þér líður betur á próteinríku fæði og grænmeti. Eftir þessa aðgerð eru áhrif áfengis meiri og misnotkun getur leitt til alkóhólisma. Fólki með alvarlega átröskun er almennt ekki ráðlagt að fara í offituaðgerð.

Samhliða þyngdartapi hefur magahjáveituaðgerð kraftmikil áhrif á heilsuna. Yfir helmingur sjúklinga með sykursýki gerð 2 læknast og getur hætt að nota sykursýkilyf. Aðgerðin hefur auk þess mjög jákvæð áhrif á hjarta- og æðasjúkdóma, minnkar hættu á myndun margra tegunda krabbameins og fækkar snemmbærum dauðsföllum. Um 80% sjúklinga læknast af kæfisvefni. Konur sem hafa ekki getað eignast börn verða oft frjóar eftir aðgerðina. Mundu eftir getnaðarvörn! Liðverkir minnka og almenn lífsgæði aukast.

mgb.jpg

EFNASKIPTAAÐGERÐ - MAGAERMI

 

Magaermi er orðin algengasta offituaðgerðin og hefur verið framkvæmd í yfir 10 ár. Árangurinn er heldur minni í samanburði við magahjáveituaðgerð en aðgerðin hefur samtímis vissa kosti.

Líkurnar á ákveðnum langtímafylgikvillum eru minni en við hefðbundna hjáveituaðgerð og má þar helst nefna hættuna á garnaflækju. Sjúklingar fá síður losun (dumping syndrome). 

Við magaermi er 85-90% magans fjarlægður og eftir verður grannur "banana-formaður" magi sem er innan við 100 ml að rúmmáli. Ekki er gerð nein tenging eða hjáveita á smágirni. Hættan á næringarskorti er því minni en við hjáveituaðgerðir.

Aðgerðin læknar í mörgum tilvikum ýmsa fylgisjúkdóma offitunnar eins og sykursýki gerð 2, hjarta- og æðasjúkdóma, krabbamein og kemur í veg fyrir ótímabær dauðsföll. Eins eykur hún lífsgæðin verulega vegna minna álags á berandi liði og margir sjúklingar læknast af kæfisvefni. 

Sleeve-Ethicon-663x1024.jpg

UPPLÝSINGAR UM EFNASKIPTAAÐGERÐIR:

Aðgerðartími:

Svæfing/slæving:

Tími á Klíníkinni:

Veikindaleyfi:

Verð:

U.þ.b. 60 mínútur

Svæfing

Gisting í eina nótt

1-4 vikur

1.200.000kr

ermi2.jpg

HITTU TEYMIÐ

SigurdurBlondal-Edit_pp_edited.jpg

SIGURÐUR
BLÖNDAL

Skurðlæknir

AnnaMaria 1_pp_edited.jpg

Hjúkrunarfræðingur

BrietB_edited_edited.jpg

BRÍET BIRGISDÓTTIR

Hjúkrunarfræðingur

Dagny%20Olafs_edited.jpg

DAGNÝ ÓLAFSDÓTTIR

Næringarfræðingur