Klíníkin hlýtur jafnlaunavottun

Það er okkur sönn ánægja að tilkynna að Klíníkin Ármúla hefur hlotið jafnlaunavottun samkvæmt jafnlaunastaðlinum ÍST 85:2012.

Með vottuninni höfum við á Klíníkinni fengið staðfestingu á því að viðhöfð séu fagleg vinnubrögð við starfsmannastjórnum sem eiga að fyrirbyggja beina og óbeina mismunun og sýnt fram á að komið hefur verið á stjórnkerfi sem á að tryggja að ákvarðanir í launamálum byggi á málefnalegum sjónarmiðum. Allt þetta miðar að því að viðhalda launajafnrétti í samræmi við jafnlaunastefnu Klíníkurinnar.

Vinna við jafnlaunakerfið hófst í nóvember 2022 og leituðum við til úttektaraðilans Versa Vottunar. Vinnan við að setja upp jafnlaunakerfið og úttektarferlið hjá Versa Vottun hefur hjálpað okkur að öðlast betri innsýn í jafnlaunamál og hvar tækifæri liggja til betrumbóta.

Við erum virkilega stolt af þessum áfanga okkar sem við teljum vera mikilvægan þátt í því að sýna samfélagslega ábyrgð.