BRASILIAN BUTT LIFT - RASSASTÆKKUN MEÐ EIGIN FITU

SVUNTUAÐGERÐ

Ef húðin á maganum er orðin laus með tímanum, eftir barnsburð eða þyngdarbreytingar er hægt að fjarlægja og strekkja lausa húð með svokallaðri svuntuaðgerð (abdominalplastic). Þetta er gert með skurði í húðina sem er rétt neðan bikinílínunnar og út til hliðanna í boga. Húð og fitu er lyft af magaveggnum alla leið upp að rifbeinum og brjóstbeininu. Húðin er strekkt niður eins mikið og unnt er,fjarlægð er aukahúð ásamt fitu og saumuð saman. Húðin er saumuð saman og nýtt gat er myndað þar sem naflastilkurinn kemur i gegn og er saumaður við húðina.

Ör kkemur því til að með að vera innnan buxnastrengs og eins neðanlega og mögulegt er í kringum nafla. Örin ættu því að vera falin í sundfötum. Í flestum tilfellum verða örin minna sjáanleg með tímanum, þó verður að gera ráð fyrir að þau hverfa ekki alveg.

Hjá sumum er oft þannig komið fyrir að kviðvöðvarnir hafa færst hver frá öðrum í miðjunni og veldur því að erfitt er að ná fyrra formi og flötum maga. Í þessum tilvikum getur verið nauðsynlegt að sauma saman kviðvöðvana og þar með verður maginn flatur og oft myndast betra mitti við þetta.

Ekki er óalgengt að nauðsynlegt sé að fitusjúga samtímis til að ná sem bestum árangri.

Svokölluð minisvuntuaðgerð er í sumum tilfellum nóg til að ná markmiði sjúklings en við það er örið styttra og svipar mjög til lengdar ör við keisaraskurð. Í þeim tilfellum er einungis húð neðan nafla losuð og strekkt. Það er því mun minni árangur af þessari aðgerð og ekki hægt að búast við flötum strekktum maga. Þó er oftast hægt að fjarlægja fellingu við bikinílínuna sem getur myndast með tímanum.

Ef húðin að upphandleggjum er orðin laus með tímanum vegna þyngdarbreytinga eða aldurs er hægt að fjarlægja lausa húð og strekkja með svokallaðri upphandleggsaðgerð (brachioplasty).

Þetta er gert með skurði í húðina sem er á innanverðri hlið upphanleggs frá olnboga og upp að holhönd. Í einstaka tilfellum er einnig skorið upp í holhöndinga og niður með hliðinni. Húð og fitunni er lyft af undirliggjandi himnu yfir upphandleggsvöðvunum. Húðin er svo strekkt eins mikið og hægt er og metið hversu mikla aukahúð og fitu er hægt að fjarlægja. Húðin er saumuð saman.

Ör kemur því til með að vera á innanverðum handlegg. Í flestum tilfellum verða örin minna sjáanleg með tímanum, þó verður að gera ráð fyrir að þau hverfa ekki alveg.

Ekki er óalgengt að til að ná bestum árangri út úr aðgerðinna að fitusjúga samtímis og þynna fituna sem er á upphandleggnum.

BRASILIAN BUTT LIFT - RASSASTÆKKUN MEÐ EIGIN FITU

svuna

UPPHANDLEGGSAÐGERÐ - BRACHIOPLASTY

Það sem hefur nú vaxið í vinsældum er að fá rassastækkun með eigin fitu. Með þessu er hægt að fjarlægja fitu á óæskilegum stað og notað til að móta og fylla út rasskinnarnar.

Það eru þó ákveðnir annmarkar á hversu mikla fitu er hægt að flytja í einni aðgerð svo fitan nái að setjast og mynda fyllingu sem verður varanleg. Það getur þurft að gera fleiri en eina aðgerð til að ná settu marki ef um er að ræða stækkun sem skal vera yfir 150 ml á hvorri hlið. Þetta er þó mjög einstaklingsbundið við líkamsbyggingu hvers sjúklings.

Önnur óvissa við þessar aðgerðir er að ekki er alltaf hægt að sjá fyrir hvað mikil fylling situr til lengdar en almenn þumalputtaregla er í kringum 60-80 % af fyllingunni verður varanleg.

Rassastækkun er gerð í gegnum lítinn skurð (u.þ.b. 0,5 cm) undir rasskinninni. Í flestum tilfellum verða örin minna sjáanleg með tímanum, þó verður að gera ráð fyrir að þau hverfa ekki alveg.