Höfundarréttur © Klíníkin Ármúla, öll rétttindi áskilin

 Ármúla 9, 108 Reykjavík, Iceland // mottaka@klinikin.is

Tímapantanir í síma 519 7000 eða á heimasíðu Heilsuveru

Við viljum að þér líði vel hjá okkur, einn mikilvægasti þátturinn er að upplýsingar séu aðgengilegar fyrir þig. Hér söfnum við þeim upplýsingum sem eru þér mikilvægar þegar þú ert hjá okkur, allt frá reglum um kostnaðarþáttöku til þess hvernig þú undirbýrð þig fyrir aðgerð.

Upplýsingar fyrir sjúklinga //

Undirbúningur fyrir aðgerð //

Fyrir aðgerðina hittir þú svæfingalækni. Hann fer yfir með þér heilsufarsblaðið, lyfjanotkun, ofnæmi og óþol. Mikilvægt er að þú ræðir þá fylgikvilla (t.d. ógleði, uppköst) sem þú hefur fundið fyrir við fyrri svæfingar eða deyfingar, ef slíkt er fyrir hendi. Fyrir aðgerðina færð þú verkjalyf í töfluformi sem verka í og eftir aðgerðina. Einnig er settur æðaleggur í handarbak eða handlegg, hann er notaður til að gefa þér innrennslisvökva og svæfinga- og verkjalyf.

FASTA //

Nauðsynlegt er að fasta fyrir aðgerð til að minnka hættu á fylgikvillum í tengslum við aðgerðina. Eftirfarandi gildir:

  • EKKI má borða mat síðustu 6 klukkustundirnar fyrir aðgerð

  • DREYPA má á tærum drykkjum þar til 2 klukkustundir eru til aðgerðar. Tær drykkur er agnarlaus og án fitu, t.d. vatn, tær ávaxtasafi, te og kaffi (án mjólkur)

 

REYKINGAR // TÓBAK //

Við ráðleggjum öllum að hætta reykingum amk 2 vikum fyrir aðgerð og amk í 6 vikur eftir aðgerð. Líkur á fylgikvillum aukast við tóbaksnotkun þar sem reykingar minnka blóðflæði í húð.

     EKKI má nota tóbak eða tyggigúmmí síðustu 2 klukkustundir fyrir aðgerð, ef um stærri lýta-, brjósta- eða bæklunaraðgerðir er að ræða má ekki að nota tóbak í 2 vikur fyrir aðgerð.

FATNAÐUR //

Við ráðleggjum þér að koma í sem þægilegustum fatnaði með tilliti til aðgerðar. Föt sem létt er að fara í og úr.

HREINLÆTI //

Þú ferð í sturtu heima að morgni aðgerðardags og sleppir öllum kremum og olíum á aðgerðarsvæði, sem og farða í andlit. Þú átt einnig að fjarlægja naglalakk af fingrum ef slíkt er til staðar. Alla skartgripi ráðleggjum við þér að skilja eftir heima þar sem þú mátt ekki hafa skartgripi á þér á skurðstofu.

Á SKURÐSTOFU //

Á skurðstofunni eru tengd við þig ýmis tæki til að fylgjast vel með þér á meðan á aðgerð stendur, þetta eru t.d. blóðþrýstingsmælir, súrefnismettunarmælir og hjartasíriti.

Á VÖKNUN //

Eftir aðgerðina er farið með þig á vöknun, þar sem áfram er fylgst vel með blóðþrýstingi og súrefnismettun. Í flestum tilfellum þarft þú að liggja í 1-3 tíma á vöknun eftir aðgerð, mismunandi eftir tegund aðgerðar og lengd svæfingar.Mikilvægt er að þú látir vita ef þú ert með verki eða ógleði, svo hægt sé að bregðast við með viðeigandi lyfjagjöf. Ef notuð hefur verið kokgríma eða barkarenna við svæfinguna, verður stundum vart við hálssærindi en þau hverfa yfirleitt á 1-2 dögum.

FYLGD OG AKSTUR //

Þú ert ófær um akstur ökutækja í 10 klst eftir svæfingu. Ef aðgerðin er gerð í svæfingu óskum við eftir að einhver komi og sæki þig og fylgi þér heim. 

KOSTNAÐAÞÁTTAKA SJÚKLINGS

Læknar Klíníkurinnar Ármúla starfa samkvæmt samningi við Sjúkratryggingar Íslands - SÍ.

Greiðslur einstaklinga fyrir sérfræðiþjónustu  eru skv. reglugerð um hlutdeild sjúkratryggðra í kostnaði vegna heilbrigðisþjónustu. Nánari upplýsingar er að finna á vef SÍ er varðar Lög og reglugerðir.

Hvað gildir ef viðkomandi læknisverk er ekki á samningi sérgreinalækna við Sjúkratryggingar Íslands?

Viss læknisverk falla ekki undir samning SÍ við sérgreinalækna, einn þessara þátta eru fegrunarlækningar. Í þessum tilfellum ber sjúklingurinn fullan kostnað af meðferðinni samkvæmt verðskrá hverju sinni, sjá nánari upplýsingar í verðskrá.